This morning, history mek ah Street Vybz Thursdays. Lisa Hype go deal wid her two clash songs dem up a The Building, one of the song dem a diss up Stacious fatness and dem start boo her. But the drama start when out of nowhere Stacious mussi hear and drive go New Kingston and carry her song go the club fi dem play it. People, mi affi laugh, Stacious inna one tights, just like how Lisa ah deejay, but she look good inna it, mi nah lie and the people dem like her because the selector haffi stop him set and play her song 'bout three times. When Stacious song ah play, Lisa Hype try go tek the mike and dem woulden gi her. Stacious song rinse out three times, crazy forward and ting. It look sticky pon Lisa Hype, ah mi fi tell yu. How yu fi get boo inna yu owna place? Mi hear say all Shorty and ah next one of the Gaza girls dem stand up and see wah ah tek place and ah dead wid laugh. Whoi, mi body!