From me know myself woman a fight over man. Some a the time the woman all a fight over man weh nuh want dem. Imagine yuh and this man a fren and one woman want beat yuh cause she seh yuh a tek har man. Why some woman believe seh every woman a man talk to she deh wid him. Some a the man dem a player yes but a nuh all a dem. Yes and some a the woman dem stay just like the man dem, but at the same time yuh still have some good one. The hottest thing sometime the woman a fight over the man and him nuh want her. What a big disgrace yuh go fight a woman over the man and him turn round buss your ass. Any woman weh dat happen to dem must shame. Suh if unu nuh sure if the man want yuh or him belongs to yuh don't go look nuh war with nuhbody.

Now sometime yuh have some woman weh presumptuous bad. Dem know seh yuh and the man deh but dem no business. Me know this woman weh tell a woman to her face seh she know the man a fi har but she ago tek him still. Everybody know seh man cheat, even if the man rate yuh "man a man' and dem cheat. Suh if yuh inna da position yah and a gal suh bright den buss her ass yes.

And a next thing yuh have some a the man dem weh deserve the beating. Sometime a the man wrong cause the woman nuh must know seh the man have a woman. The man can just tell a lie seh him no have nobody and the woman believe and go deh wid him wen him probably have baby mothers all over the place. In this case the woman nuh deserve the beating a the man ass yuh fi buss. Come to think of it man will seh anything fi get a woman in bed with him, suh woman a nuh everthing man seh yuh fi believe. Get proof or "google him".