How some gal say dem a hot gal and dem bed de pon four block? How some claim say dem hot and dem haffi come outta dem house fi bathe or use de bathroom? Mi ah hot gal, when it comes hotness, ah me write the encyclopaedia, so why me lickle enemy dem over Portmore nuh stop call out mi name and dem know say me will dun dem. Worse, dem no live no way, ah dirt floor inna dem bedroom and all these things, when rain fall, dem life miserable, so nobody provoke me da week ya, come offa mi name or me ah go mek the whole world know 'bout yu dutty life, and yu caan approach me inna the streets 'cause mi a gal weh will tek off mi shoes heel and beat a gal inna her mole. No ramp wid me inna the Monday morning. SUSS TIME!

KILLA SAYS NO ALLIANCE AT BEENIE SIZZLE
Mi coulden believe mi ears when mi hear Killa go pon Onstage and say the reason him get boo ah Sumfest was because ah pure fishes were there. The man still ah govern him ting, him say any member of the Alliance who go Beenie Sizzle can consider themselves out of the Alliance, anybody, Killa run dem head. Mi used to think the animosity between the two deejays was just a PR ting fi keep dem in the public eye, but this ting well deep and even though dem a approach 40, dem nah change. All when dem geriatric, dem plan fi keep up the almshouse. Mi sorry fi dem.Dem beating ah go wicked.

Mi just feel say things might change when mi see Beenie Man go Asylum go big up Killa and the place buss last week at Kurt Riley ting, but after the speech dem weh Killa mek, it look like the war will never cease. But it look like this ah go be like the neverending Hundred Years War inna Europe, it deva bad. Wonder what Beenie Man ah pon Onstage go say this Saturday?

RETURN OF BRUCK UP FOR AUGUST 7
Mi hear say Bruck Up, remember the dancer Bruck Up from the Busta Rhymes video, turn artiste now and he plans to keep a big variety show on August 7th in midtown Manhattat at 42nd and Eight Avenue. There will even be a big screen billboard of Bruck Up advertising the show and if it goes well, Bruck Up will have his own show backed by a major label. Remember, August 7th, it ah go mad. Yu can check out his music at f**k u lol

FULLY LOADED LOCKED OFF EARLY
Well, the police dem come lock off Fully Loaded early at about four this morning. Vertex and 876 the sound system did well, dem represent. Most artistes never get the chance to perform but Shane O, Mavado, and Tony Matterhorn buss the place. However, there was no performances by Bounty Killer, Beenie Man, Elephant Man, Wayne Marshall or Bling Dawg. Ah just so the ting set. Mi feel tired now, mi ah go hold a sleep and give yu some more (yawn) later. Big up Rqs, Sunnin, Evantee, Five Star Barbie, Sexy TC, Munchie British, Suzi Q and the whole (yawn)tourage. Later. 

THE PEOPLE WAAN FI KNOW
What a way Elephant Man drop inna one big hole after Beenie Man mash up Weddy Weddy Anniversary?

Why the people dem never big up Beenie Man when him was in Weddy Weddy? Him de de fi several minutes and nobody nah pay him no mind? The selectors dem a big up Bounty Killer and him wasnt even there.

Wha dat mi hear go down between Dahlia and Gaviesha over Cassava Piece? It nuh look good. Dem nuh know say the Gully haffi share.

Wah kinda vibes that ah go down between the dancer Overmars and Latonya? Mi no love how it look, people, but mi nu ready fi talk the tings dem yet.

Why so much artiste wear white on Dancehall Night at Reggae Sumfest?