Home Again

Members Login

Chatbox

Please login or register to participate in the chat

tallboss876 wrote
5 days ago

hail

dj brown posted in:

Zambie , Attomatic Dam Sky - Squeeze (Raw) 2024

djromie (Mzja Dj) wrote
October 15th

anyone dehya

djromie (Mzja Dj) wrote
October 15th

mi di ting up like7 again

BlaqueAfrique posted in:

VYBZ KARTEL COMPILATION(2006-2009)

EMile38 wrote
October 5th

reggae riddims

Topic: Home Again

Wide (rest of width)

Narrow (200px)

frantchess

MZ Guru

Status: Offline

Posts: 1408

Date: 17:10 05/07 2008

Permalink

not by me but it look nice ...

Home Again

Nuff applause wen di plane lan
Cuden get a blye fram immigration
A tell mi sey two day a no vacation
Mi finally grab mi bag an ole a minivan
Taxi man sey ocean side shut
Im afi go tek a lang cut
A gess im tink sey mi baan a farin
Friten wen mi tel im sey tun up di ridim
Jus get mi home ina wan piece
By di way soun like yu axle waa grease
Keep yu eye pan di road an afa di sholda
Beg yu tek it ezy pan di caana
Shuda did rent a car, mi su dum
A swear sumting rang wid di van stering calum
Pass chue every nuk an crany ina di kingston area
Haaf way chue mi a try memba a praya
Caws mi afi tank Gad mi reach Pembroke Hall
All di way di van tiya dem a bawl
Nu luk like di street eva a go change
Mi memba nuff life it use tu claim
Laad di sidewalk all but erase
A wan dirt trac tek it place
Watch dey, di hillside disfigured fareva
Di ole a it cova wid cancrete towas
Anyway as soon as mi fly di gate
Mi hear Aunt B a complain why mi so late
A lang time di pat a cool pan di fiya
A ack like shi no glad sey mi deya
Ina di yaad nuff people dey bout
Maas Rodric greet mi wid a cole Guiness Stout
Macia, sheran an Pixey all a dem gada roun
Baby G she dress up ina wa luk like a wedden gown
Hear a wispa but cudden tell a who
Dem a bet sey mi no kno shi did dey a Bellevue
Patrick, Barry, Denden an di wan dem call Bendilow
Sidung pan di varanda a shuffle domino
Mi fada roun a bak a tell sum ole joke
Im favoret was how nutten no sweeta dan roas poke
Mama come outa ar room wid tears ina ar eye
Wan luk pan ar an me too staat fi cry
Years shi a wait pan dis day fi come
Si mi a return lika lang laas son
It tun out to bi a joyous occasion
Di ole family togeda, wat a reunion
Wi chat, eat an drink all nite lang
Remanis bout di tings wey bine di family strang
Everywan a enjoy dem self
Nat wan bakle lef pan di shelf
Cudden end wid out mi tek a lif
Me an Bendilow mek a step an go bun a spliff
Riddims galore
Nuff legs a throw pan di dance floor
It was a blessed day with family an frens
Jah kno it was gud to bi bak home again

__________________