Wha unno really a tell mi sey, di gays dem have more money and more people whey willing fi stand up fi a cause dan staraight people?

Why a doan si more dancehall lovers inna Jamaica and foreign a teck it do dem pon di streets, dem a campaign, unno can campaign tuh! Go out deh wid unno banners and sey no gays around here! No violence please, but meck unno voices heard sey unno nuh prepared fi stay one side and meck dem browbeat unno favourite artistes dem offa di stage.

But si yah, a dem alone have mouth. Yuh know wha, unno too laid back and a allow dem loud voice fi browbeat unno. It gawn bad when all Red Stripe a pull out from sponsoring Sumfest. Whey unno a guh wait fi happen next? Promoter stop book dancehall artiste and gi unno pure foreign culture? Nah, mi a lick out now, suh unno betta join fi mi voice and start fight fi unno owna culture...cause di nex' ting unno a guh know unno a guh have gay artistes, gay dis and gay dat...a suh mi sey!