Ragga wats up? Big-up to Pretty Bwoy Floyd, im do a good job last week but mi glad you come back for Floyd couldn't hangle dis yah mix-up lik you. Ragga wi have some real nasty dutty people inna dah country yah you know. Imagine sey - one gal a Mandeville de wid dis married man fram Ochie and inna Christmas di man carry di gal go a im married yard go spen Christmas wid im wife and pickney dem and tell di wife sey a good friend. Ragga de whole a dem all a go a Dunns River and di wife siddung pon beach while de man and de gal deh pon falls. When dem wan sort out dem tell di wife seh dem a go inna de town and all now she noh know wat a gwaan and di man invite har back and she wid har brite self a plan if go back down deh go again. A wan di wife fin out and bus har arse dung deh you si Ragga.

A so dem a go hard a Mandeville? Da man deh definitely naah bun wid respek, an di matey brighter dan morning star. If di wife find out an pap up di matey backside yuh couldn't fault har.
As fi di bredda weh look like him use too much stone...bway, mi don't even know wha fi say....cause mi a no docta fi know exactlt wha cause di damage. But if fi him woman go find out say a bun im did a bun har wen im instrument get damage, den im might really lose it when she chop it off.
But it look like mi haffi go start hang out a Mandeville jus fi get demy a propa-propa mix up ya. To di werrll!!