SUSS TIME YA NOW !

Members Login

Chatbox

Please login or register to participate in the chat

djromie (Mzja Dj) posted in:

Zambie , Attomatic Dam Sky - Squeeze (Raw) 2024

djromie (Mzja Dj) wrote
December 31st

blessed new year

tallboss876 wrote
November 16th

hail

dj brown posted in:

Zambie , Attomatic Dam Sky - Squeeze (Raw) 2024

djromie (Mzja Dj) wrote
October 15th

anyone dehya

djromie (Mzja Dj) wrote
October 15th

mi di ting up like7 again

Topic: SUSS TIME YA NOW !

Wide (rest of width)

Narrow (200px)

TBDGlamma

**MZJA REPORTA**

Status: Offline

Posts: 3999

Date: 09:50 05/01 2010

Permalink

People, what a gwaan? Mi say aftah mi mek mi talk lass week bout people who love chat too much rubbish, dem tek one piece ah offense. Di whole a wi a watch di drama like Lifetime women's channel. Mi did tink him go have stroke di way him a cuss. Henhewho, enough ah all dem deh. Suss time!

Beenie An' D'Angel Really Now

People Beenie an' Angel have one new song a profess dem love fi dem one anodda, mi nearly drop. First of
all di way di song sound deaf-earsish di ongle ting missin was a L.A. Lewis chorus. It look like di 7 Star General nevah available so dem jus clobba it to death demself.

D'Angel a sing say Beenie ah har fuss man, so mi waah know wha Killa did be. An, she all a call up Barbee name. Beenie ah sing say ah nuh di food wha mek him naw lef. People a pure stress. Even if ah did juss fi
hype dem shudda mek di song soun' good. No sah, D'Angel and Beenie, deh publicity stunt deh nuh ready yet.

Ah Wha Dis Lawd?

People ah wha tek Lisa Hyper pon har video set? Lawd help mi. People, she a film one new video an' as usual she haffi go di extra mile wid di nakedness an' ting. But it get wussarah. Di leading male who play har man or whatsoever inna di video deh pon one piece ah positioning and kissin' inna di video. Lawd help wi!

Mi nuh know how fi say it sof', so mi juss go say it. We all saw di pictuh dem of Lisa wid one sumn 'near' har mouth, an' yuh really go come inna video deh french kiss? No sah! Mi body! Mi cyaan tek it. Talk di truth now people. Di yute shudda insis' say dem gih him one big shades, one latin wig, white face powdah and one fake nose, cause no way if him haffi go do dat him go show him face inna pictuh and video. No sah.

__________________

I AM THE I AM MEMBA DAT !!!!!!!