bang bang bang bang bang bang bang bang
pana pana
wize nuh man!



aye follow mi nuh
Guh check unnu priority ty ty ty tyty ty
Listen to my clarity ty ty ty ty ty ty
dis ah reality
aye follow mi now


Yu drink three guinness a day a bills twenty a one
So by one month fi done! dat come to bout eleven grand
How yu ah bawl seh, yuh dont have no money
Yuh nuh think dat kinda funny?
How a des yuh seh yuh desparate an ever in need
But yu always find it anytime yu want a draw ah weed
How yu a bawl seh, yu dont have no money
Hear mi now!
Yu magga till yuh ribs ah show cah yu seh food yuh cant afford
Ah three bills fi a shot and yuh banana clip load
and yuh a bawl seh! yuh don't have no money
And some woman now
Dem get it anyweh it deh wen ah time fi do dem hair
Dem pitney waant ah book fi guh ah school dem seh it dear
And ah bawl seh dem dont have no money
Den hear mi missa government!
How unnu ah kill mi wid di tax dem everyday
But anytime di teacha dem ah beg a raise ah pay
Unnu a bawl seh, unnu dont have no money
Listen mi now
How di collection plate fullup ah church every week
Congregation a wet up cah di church roof ah leak
An di paster ah seh him don't have nuh money
dats why mi seh


chorus)
Guh check unnu priority
anno everybody wid a story mi ah sorry fi
Cah nuff ah unnu squanda and ah nuff ah look fi charity
Mek it worse! ah wouldn't even di minority
ah dem ah wah??


Den tell mi how yuh expect things fi improve
If yuh siddung pon yuh *** and refuse to mek a move
An den yu waan bawl seh yu dont have no money
Unnu tell mi if ah lie dis?
A man! beg yuh ninety nine time and yuh gi him
Di one time yu nuh have it! him ah tell yu seh yu mean
And ready fi talk seh yu bow fi yuh money
Ah suh dem stay
Yu have a next set come a tell yu how ah name brand dem ah wear
Yu nuh inna none but dem ah check yu fi ah beer
An a bawl seh dem dont have no money
Real issue
When granny sick and dead big money spend pon funeral
But last month when she check yuh fi go do a medical
Yu did ah bawl seh! yu dont have no money
Den mista road hot
How yuh nuh've nuh insurance and ah drive like yu mad
Yu rightoff sumaddy benz an ah call pon fadda god
And a bawl ah seh yu dont have no money
True story!
Weh day mi get a speeding ticket and mi ah wonder why
Wah mek squaddy neva gi mi ah bly
ah mussi thru mi bawl seh mi dont have no money
Hey mista marauder
ah run mi money an ah tell mi seh ah friday it ah run
See it deh! three months past and all now friday nuh come
Yu still ah bawl and ah seh, yuh dont have mi money


chorus)
Suh listen mi now listen
check unnu priority
anno everybody wid ah story mi ah sorry fi
Cah nuff ah unnu squander and nuff ah look fi charity
Mek it worse! ah wouldn't even di minority
no no ah di majority



Lack ah opportunity dat ah yuh excuse
Finally yu get it an yu still nuh mek no use
So stop bawl seh yuh dont have no money
hear mi now!
Some company ah mek whole heap ah billions inna profits
And doh wah give dem workers nuh benefits
Cause dem a bawl seh dem dont have nuh money
hear how some man stay!
Dem ah breed up whole heap ah woman cah dem nah use no boots
But when di time come fi mind di youths
Dat time dem start bawl seh dem dont have no money
Ahrite! real ting dis now real ting!
Why when somebody check yu fi a ting before yu seh yu flap
Yu give yuh four pocket dem ah pat
And den yuh jus bawl seh,
Jah kno mi don
unu deh pon nut'n