Mi just reach a Negril people,  mi know say oonu ah cuss say mi no write nothing from morning but the drive down did long, and mi did stop and look fi one of mi hottie hottie cousin dem and ah labrish little and all these things. All I can say is that NEGRIL NUH GOOD AGAIN! Abena de ya pon the Negrilside if yu waan know where fi find me. How some gal say dem ah hot gal and dem nah go ATI? Dem stuck inna dutty Kingston fi the Emancipation weekend while dem man gone floss wid we inna Negril. As mi reach the hotel, mi see a little ting go down,

BOUNTY HOUSE SALT EH? WARRANT OUT FOR HIS ARREST

How Bounty so salt? How one man so salt? First, the house tek almost a decade fi build and crazy calamity a befall it and all these things. Now, call it say it almost complete now because the big theatre system gone in, and the Italian tiles dem gone in and everything almost fully sort out and then one next calamity..BOOM, a man get shot dead on the premises. Lawd! Mi still caan believe the CCN report weh one876 get yesterday, but what the road ah say is that the man is a car dealer and mi don''t know what go down between him and some people money but afterwards him end up dead. Mi no know if the police dem a style him or the investigations are bonafide, but condolences to the man family. But the question everybody ah ask is why him get bullet bullet bullet ah Bounty house? When mi reach back a Kingston, mi gi yu the full story, fi now, mi ah gwaan party. Is Bounty really in the Virgin Islands? Mi hear say warrant out for his arrest after he failed to appear in the Montego Bay RM court today. Thursday's warrant was however stayed until August 21 when the entertainer is booked to reappear in court. What is really going down with Bounty?

HARRY BUNGLES ARRESTED FOR CORRUPTION

What a stress! The big bad police officer who response fi Passa Passa and keeping the peace inna certain volatile communities. How that happen to the big top cop? Memba when dem block road when dem reassign him? Dem tings de no normal, dem man de ting different, mi no have nothing more fi say.

BLACK QUEEN DISSES MILK

Why Black Queen ah diss up mi good good friend Milk? Mi hear the song yesterday when Claude Mills send it to me on mi email last night, and the song no all that bad but it no great either. It sound like one of the old time riddim de, the one weh Sizzla ah say slew dem wid karate on. She ah talk up a bagga tings but mi a wonder if she can deliver it liv 'cause mi is a girl who will shout out low Milk, ah fi her catty and ah fi her mouth! Anyway, ah music we say, Black Queen gwaan do yu ting, tek yu forward and do yu ting. Mi will post the link later so yu can listen.