:: FIGHT FI VIDEO LIGHT

Mi people mi deh yah again, Mi cyaah believe weh mi a hear, how some people seh dem corporate and hyper than blacker, yet still have dem big executive camera man a fight wid some likkle waste station from dung a country over video light down a Impy Skimpy inna Ochi. Mi think seh the video light was the gyal dem ting. Weh mi a get fi understand is that none a dem neva contracted fi di party but dem run-in and a try come run tings and the sad part is that none a dem neva a feature the real hot gyal dem a pure likkle batta ears and ah dat hot wud did a fling fah.

:: KARTEL VERSUS FULLYLOADED

Since 876radio drop the exclusive everbody a wonder how comes them move Fullyloaded gone back a Portmore and lef off the Teacha and him yute dem inna him owna place. People a seh a because a Alliance show but mi memba mi hear Bounty a big up Kartel and a seh him did inna di runnings fi 'Deejay A The Year' and all these thing, So even though him nuh like him mi  nuh tink a Killa seh fi cross him off. Some a seh a the boss lady, because Kartel did draw card inna song bout she fi go pay tax so a revenge time now. Black Chiney oonu corners look dark, look like oonu cyaah come back a Loaded since oonu drop duh dubplate deh... oonu neva haffi do har so enuh.(giggle)

:: ARTISTE KETCH A HYPE

A which upcoming artiste weh need a hit more than a crackhead, mi hear since likke farin breeze blow pon har, ketch a hype and all switch pon har good good publicist and gone over da side deh fi see if she can get a big buss.  Oooh deh! mam, yuh realize seh a pure pop dung artiste deh over deh so all when dem full yuh up ah Helium yuh still nah go float and buss. Yuh bite di hand and soon it ago tun roun and beat yuh .. yuh hear miss iron balloon. 

:: FESTIVAL CONTEST

Everybody ah ask if a bruk Roy Rayon bruk so or ah the rent money due, mek him haffi come back come enter Festival song contest and scrape up all the winnings, look how much time him enter and win already, lawd him coulda gi smaddy else a chance. Some people just want everything fi dem self, it nuh look good enuh, leave something fi di yutes dem nuh. Mek dem dream fi win one day too and get the likkle bikkle and video light.

:: QUESTION TIME

- A which party mi hear did ram but ah pure Bredrins did in deh hint hint anuh the one wid the Casino it was another for people who like to Drink?

- Who ago win the Political Presidential race, P or the one that PP at the last General Elections?

- Who next ago drop a sex tape? We taking bets, send your amounts plus answer to: cum_video_me@tvpersonality.com

- How so much artiste a bun fish and have dem as dem stylist and publicist? Mek sure nuh drop the soap or pen.

- A which artiste me hear cyaah go a beach cause dem woulda drown? Dats what happen when yuh bruk the one way and disobey the STOP sign.