All dem a talk, ah me ah lead. Dem caan stop read me even though dem hate me, look pon mi last article 200 posts and counting. Mi just ah do cha ching ching dance and ah laugh EVERYDAY, dem caan get mi depressed, mi laugh till water come ah mi eye everyday, and right now, mi de ya ah mi house ah hold a joy and ah plan fi get rich like Raquel and live some of her fabulous life. Well, who me ah go mud up today? Eeni-meenie-minie mo, who ah go star the Wednesday Tea show. Abena to the world, ONE876 to the universe, big up all the bloggers on the site, oonu mek this nice, and who no like me, DROP ASLEEP! Yea, ah dat mi say!

BEENIE MAN SPOTTED AT UPTOWN APARTMENT
Right now, the way mi look pon it, ah Kartel and Mavado still ah lead inna the dance, ah dem have the most song and ah get the most airplay, but Beenie Man ting still look good. How the man keep doing it? Him inna the Billboard top ten reggae artistes list fi 2007, him have a European tour line up and a US tour fi later in the year. Beenie, yu ah the man. Mi just hope say Vado and Kartel get back dem papers so dem can carry the flag fi dancehall music internationally too. We need more stars and more hits. But wait a minute, ah which uptown apartment people still see Beenie Man ah lurks roun from wah day ya? Are the rumours really true? Daggering start again?

VYBZ RUM SHORTAGE?
Mi see the Vybz Rum ah sell ah Dunrobin Tiger Mart the other day but mi never buy none, and mi sorry because mi girlfriend dem have a little get together and is when mi reach Portmore, mi figet say mi neva buy no liquor, so me go over Portmore Mega Mart fi buy a bottle of Vybz Rum and mi hear say it sell off. Wah really a gwaan? Mi just end up buy a bottle of Alize instead but mi really waan support our local entrepreneurs. Oonu free up the Vybz Rum so mi can see it everywhere nuh?

ANTHONY B S NEW VEHICLE ON THE WHARF
Mi hear say Anthony B new vehicle de pon the wharf, and it ah go mad. Memba say ah him first show the world say rasta can drive Range Rover, but like how it get common now, him decide fi step up him game. Nobody nah tell me what kind of vehicle, if is a Phantom, or a Rolls or a Lamborghini or what? Jamaica soon find out. Big up Andrea, Anthony B goody goody babymother, yu hot mi friend!

NINJAMAN REDECORATES RENTED APARTMENT
What a way Ninjaman ah redecorate him apartment? Mi hear say him lick out an entire wall and ah put up studio, but mi ah wonder why him woulda do that and is rent him a pay. Mi hear say the landlord nuh mind  because him still ah get him rent and the place ah refurbish fi free. But why Ninja why? Just buy a house and do dem tings de. Somebody caan talk to him?

GAVESHA GONE A LEAD
Well judging  from last Friday night,.it look like  Gavesha gone a lead...I wonder what Avah a go come wid next fi top di Friday night flex. Right now, Ava try everything, she cut and paste, she sprinkle, she tell lie and caan stop Gavesha flow, ah wah she have so? The tight-o, right-o and nah go down low. Heh! Heh! Mi body! Gavesha, tek yu forward, ah yu a lead. YU shoulda see how she stick onto Mavado like a second shirt the whole night. Mavado yuh a di boss!

AIDONIA AND MAVADO IN BAD MAN PLACE
Mi neva know say Aidonia and Mavado live inna the same apartment complex. One of mi groupie friend dem go up de the other day and tell me say she see the two artiste dem ah live inna the same complex, and not far from each other either. But stick a pin there, is wah Aidonia really up to dese days? Him really a keep a low profile but watch the LOW profile ting, zeen. Can someone email mi an mek mi know is wa him up to? How him feel like how him and the Gangsta fa Life a neighbour now?

THE PEOPLE WAAN FI KNOW
How dem a go maintain dem expensive lifestyle inna dem uptown US dollar apartment and dem music nah sell?

If a really $21 million Junior Reid spend fi the convertible BMW 645? How him one so hype? Ah remix and US flex do that? JR Records to the world.

If Munchie British is really a man, and him sound like a big gal so?