RIGHT NOW MI WAAH MORE GREEN THAN TREES WHICH PART THE TIMBER LAND
WHEN MI TOUCH THE STREETS INNA CLARKS, WALLABEES OR TIMBERLAND

MI A ONE MAN ARMY, SO DEM CYAAH SAY "HE'S A FRAUD"
WHEN IT COME TO BEEF, MI MEK IT SLIDE LIKE A VISA CARD

WI INNA THE STREETS LIKE STOP SIGNS, MI CHECK IF MI SEE GARRET
CALI OR SKUNK, WHICH ONE FI SMOKE MI NUH FIGURE YET, NAAH BUN CIGARETTE

HATERS A WATCH ME CAREFULLY LIKE WHEN U PREE MAPS
MI MARRIED TO THE GARISSONS BUT MI NUH SIGN PRE NUPS

EVERYWEH U TURN, YUH HAFFI CAREFUL SEH U NUH FIND EVIL
THEN AGAIN THE STREETS FEEL ME, LIKE BRAILLE FI BLIND PPL

WOMAN PUT RECESSION PON DEM BODIES, SO MONEY CAN MEK U GET TRICKS
MI NUH REALLY INNA BADNESS, SO MI JUST GWAAN BUILD PON DI BLOCK LIKE TETRIS

ONCE PPL ACCEPT YUH WID OPEN ARMS, DEM HANDS LOCK SOON AFTER
SATAN'S PARADISE, SO JUST SAY HELLO HELL(lol) LIKE CHATROOM LAUGHTER

DEM STORY IS JUST ENDLESS, SO IT WILL ALWAYS HAVE TO BE CONTINUED
DONW HERE, NO NAME TAGS, SO U HAVE NO LABEL LIKE WHEN CAN TIN NUDE

LIFE IS A GAMBLE LIKE CASH POT, SO ITS HIGH RISK AND ALL FOR BET
THERE IS NO HELP, SO U CUD WRITE THE PRIME MINISTER 26 LETTERS LIKE THE ALPHABET

SOME HOMELESS PPL HAVE CLEAN HEART BEHIND THE RAGS AND DUTTY CLOTHES
SOME CHRISTIANS BRING MORE TERROR THAN CARIB WEH PLAY DUPPY SHOWS

MADDENS A MEK MONEY OFFA WI, DEM HAVE BROCHURES WID A LIST A GRAND CASKETS
TIME HARD AND DRASTIC AND MI WANT THE MONEY STRETCH LIKE MR. FANTASTIC

CERTAIN TINGS WEH THESE YUTES SEH, DI BADWORDS WEH MI HEARD? JAH FAINT
SO I PAINT A PICTURE LIKE MICHAELANGELO WID BERGER PAINT

INFORMERS GET MISSING, THEY FIND U DAYS LATER, HMM WEH DA STENCH IN YAH
IF U EVEN PREE A MAN TOO HARD, YOU BOUND FI GET DRAPE LIKE A FRENCH WINDA

SHOTTAS WILL LEAVE U WETTER THAN SWEATERS WHEN WORN WELL COLD
SNITCHES GET THEIR HEAD MASH LIKE POTATOS IN COLONEL BOWL

THATS HOW IT IS IN THE KINGSTON STREETS, WORST IF U NEED U HYPE BACK
KILLERS HEARTS COLDER THAN ICE CREAM WEH DEH PON FUDGIE BIKE BACK

BUT YET STILL WE GENUINE LIKE BELTS WEH THE LEATHER IN
EVEN WHEN DEM PUT WE BREDDA IN A BOX LIKE RED HERRRING

WE STILL WAAH INNA AIR FORCE ONES LIKE FORD'S HARRISON
THIS IS JUST A REFLECTION OF THE ROAD'S GARRISON

ME SEH DA YUTE YA MEDZ NUH NORMAL BADANG!!!

MADDDDDDD IF U WRITE DAT U DEEP FI REAL U NO NORMAL BUT MI RATE

bless

-- Edited by gamepun on Saturday 17th of October 2009 10:15:47 PM

YOUR POEMS ALWAYZ TAKE ME AWAY IN THOUGHT VERY NICE GAME

Mad

CAN CARRY DAH POEM YAH GO READ TO SOME SHOOTA IN THE STREETS EHEEEE MADDDDDDDDDDDDD

MI MARRIED TO THE GARISSONS BUT MI NUH SIGN PRE NUPS damn punsworth yaw di BOSSSSSSSSSSSSS