Independence gone
but me nuh celebrate
celebrate fi what
whey independence fa
we never need fi free
cause slavery abolish
from about 18 thirty three
even if mi add the one year
it still nuh fair
cause me leave fi suffer fi
anadda man mistake

England tek whey dem pound
but we still pay allegiance to the queen
independent pon other nation
we a beg and a plead 
a borrow money whey we can't pay back
it seems as if slavery soon
come back in

whey independence fa
when me can't live in peace
nuh tell me bout small island
cause barbados and trinidad
nuh in a di greater antilles
busta, norman and di nedda white one
dem neva fight fi we
dem fight fi dem self
fi have a seh in a jamaica economy

call me ignorant and ungrateful
but me still a ask whey independence fa
when me feel like a slave
the system fail
and me pickney and fi him pickney
a go suffer
so educate me and mek me know
WHEY INDEPENDENCE FA

-- Edited by chinojermz at 11:26, 2008-08-22

yoooo..... powerful words my yute... bare truth in the every line of this thing

respect me yute.. a jus so mi seet star