BEENIE DRAMA AT PASSION SUNDAYS
Mi go Passion Sundays last night and there was one big piece ah commotion inna the wee hours. Mi neva see wha go down because mi did outside and ting, but mi hear say something go down between Beenie Man and a next girl. Mi outside and mi hear a bag a noise and crowd a come out and ting, but mi nuh ready fi talk the tings yet. Mi need more confirmation before mi talk di tings dem.

Mek wi see who ah go be the first website fi tek wi story and run wid it.
 
SOPHIA BROWN'S NEW VIDEO IS READY
Mi get a glimpse of Sophia Brown's new video, 'I'm A Rose' and it pretty no baxide. Dexter Pottinger, tek yu forward as the director, Wayne South, tek yu forward as the mad editor who bring it all together. Mi neva know say ah so Sophia Brown ah go hard till me see her inna bathing suit, she muss work out ten hours a day fi have a body like that. The video sell off.

D'ANGEL UBIQUITOUS EH?
How D'Angel de everywhere? Royal Palm Estate? STAR Artiste of the Month? Sunday Gleaner? And this morning, mi turn on mi TV and mi see har ah massacre ah song pon TVJ. Mi tired fi see har now man, why she inna everybody face and she still nuh have a hit song. The amount of publicity she get and she caan find a real number one song yet, mi worried 'bout her career, the people dem just nah work wid her voice. Mi just have one sentence fi har: talent is a gift, yu have to born wid it, yu caan manufacture or fake it. Mi haffi big yu up as a mother though, we like how Marco Dean look and ting, but we still need fi hear a hit song.