To me, its one thing if yuh hear Kartel  or Busy do a gangsta song and den a culture tune. Dem mon deh a gangsta and dem a play out waah gwaan in di streets. But di first time mi hear Sizzla do a gun chune it kinda tek mi back. When mi waan hear bout guns and violence a alliance and portmore empire mi look to. It just nuh seem right fi dem ting a come out a Judgement yard or David house. Mi overstand seh we are africans and we are warriors but Rasta is supposed to uplift di people. Is like seh some a dem waan walk both side of di fence. Fi defend yuhself gainst babylon or any sort of injustice is only right but yuh mean fi tell me seh Sizzla really get inna fight wid Jah Cure wah day? Jah Cure who di whole a Jamaica rally behind? Mi really lose offa Dadda fi dat. Mi still rate Sizzla, Munga and other Rastas who choose to boots war sometimes. I would just call pon dem fi judge wise. When people (especially outside a jamaica) learn about rasta and become fascinated with the lifestyle, teaching and covenants it can be devastating to see one of the most highly regarded rastas behaving like a bad mon. Dem fi know dat. Music is a mission not a competition. Furthermore mi feel seh Capleton fi talk to Munga caw im too hype too. Mi rate im as a artist wid a bright future but im wrong fi tump deva bratt wah day. Dem already look pon we jamaicans as hot heads. Rasta is supposed to prove dem wrong wit teachings of peace and love
sorry but mi did av to vent .. unnuh tell mi what yuh tink