Portmore, mi hot, mi look good and mi no fraida Hurricane Dean neither. SUSS Time! ANGEL AND BEENIE AH REAL POPPY SHOW Dis whole ting start when mi meet Angel ... HEH HEH. Beenie, yu shoulden tek up Bounty - (not sayin it) fi real because ah pure disgrace ah reach yuh. Bwoy, Angel, mi wish mi coulda say mi sorry fi yuh, but yuh too hype, yuh even a look a hype offa yuh owna marriage break-up. Yu a tour all of the media house dem a seek attention 'cause look when the big disgrace drop pon yuh, when yuh a head come down a STAR fi interview. Yuh need fi stay home and tek care of yu son and stop talk 'bout abuse, how yuh neva did a talk about abuse until when Beenie buss it out say yuh a give him bun? NOT EVEN A 'PENNY'FOR RED BULL Red Bull soapbox sell off, people it was a perfect getaway last Sunday. Till mi did all 'penny' everybody get wings, di food was nuff Red Bull caan dun. Mi di a wanda if a deh it manufactor. A only one ting mi neva like how mi did really ave fi 'penny'. Imagine mi deh in a one VIP section wit mi girls dem a chill. And a happen to si di STAR team approach. Rite dere and den mi know sey mi deh amongs STAR. Until mi start 'penny' a little ting a miss sumady a ask STAR team sey wat happen to dem VIP band. Mi nuh know wat really gwaan cuz a was not that close. And in di end everyone was nice. But mi jus really ave fi 'penny' it cuz, if it free nuh give all who want it. BOUNTY STANDs ALONE Who is the one? Mr. Rodney 'Bounty Killer' Pryce, of course. People di man did dun tell yuh bout di bicycle sey it nuh it nuh ave nuh brake. And a love how di boss nuh sey nuttin more bout it. Him tell yuh like it is and lef it let it unfold. And now di world know sey di 'cycle' out a control. A scrape any and every ting it see in sight. GUIDANCE MARK II LICK THREE TIME INNA ONE WEEK People ah talk say ah obeah dem obeah Guidance since him Mark II get lick three time inna one week. But Guidance, ah you say Love What You Got, and yu nah worship vanity so stay inna the lane weh yuh deh and avoid the dutty people dem. Sandri, him good good babymother love him same way. She did love when him did ah ride a bicycle and she nah complain so why it shoulda matter to oonu? Right now, the man fi just keep up the good work, stay on the same track, we love the new song, Wise Up too. RETURN OF THE FLAVA Wah dis mi a hear? Dem a try smear the Flava but it nah go work. Mitzy come back from farin and she nuh stop visit Western Union regular, har Samsung phone weh a talk to her ah mad dem. But people ah say she discriminate against black people 'cause ah pure browning inna her crew, Rachel and Carla de a farin, but Faith Ann and Mitzy dem still out yah ah represent. Annnyywaaay! Flava fi life mi say! DRE Z AH HAPPEN OUTTA WEST What is happening with Dre Z? Like how the studio finish inna record time and ting, and the song, Bun Down Babylon Yard ah get crazy play pon the sound system a Negril and Montego Bay, when yuh a guh come town come lock Asylum and dem tings deh. Jamaica waan see who is Dre Z, di man from Miami. MUNGA MOVES TO PORTMORE Big up the Gangsta Ras, him family rest over Portmore now, but mi nah tell oonu weh him live. Munga have some crazy new song weh a come run the place, and him have a song wid Akon weh sell off. Yes, yes! Gangsta Ras for Portmore. QUESTION TIME Which girl outta the Global crew have the sister whofa nose big like sweet potato? What a way Harry Toddler mash up Mad Michelle when him hear say she ah give him bun wid Firelinks' The Blonde Ras. Who kill the three yute outta Newlands wah day yah? How the condition rough so wid some people till Birdman ah drive taxi? How the Summer girls dem so ugly and ah not even morning yet? Tiney, how yuh love say happen so and yu doan know the meaning of the word because yu pap down? Yu tink say Jah Cure and Sasha woulda mek a nice couple fi true? How Titi look so crawny? She ugly eh! Which gal get beatn over Nuffy ting the other Tuesday? Why Poochie ah run down Ghandi and him no want her? Ah true say Boom Dandimite sister from Back To ah the leader fi the Spice Girls? Keisha, yu a cramp inna yu house? We caan see yu noweh! Cowboy, the dancer, wi hear sey yu a gwaan good in the streets, but why yu caan get yuself some clothes? Yu need a wardrobe! And yuh dance 'Ras Moses' sell off. Deva Brat, when yu a go release the 'Vote' song mi hear the whole ah Portmore ah talk about?